لا يا حبيبي ،، انت اللي فاهم غلط!!

لا يا حبيبي ،، انت اللي فاهم غلط ..

 

ليش فكرك إنه لمّا البلد بصير فيها شوارع واسعة وجسور ضخمة وناطحات سحاب عالية بتكون ازدهرت !!؟

 

لا طبعا .. البلد بتزدهر لما يكون فيها حدائق ومتنزهات كثيرة وفيها ناس طبيعيين بستمتعوا فيها ..

 

ولمّا بكون المكان الأفضل موجود لراحة “النفس البشرية” مش لراحة ممتلكات “النفس البشرية” ،، هيك بتكون البلد بتزدهر ..

 

إزدهار البلد جزء من إزدهار “النفس البشرية” اللي عايشة فيه ،، مش من إزدهار الحساب البنكي تبع “النفس البشرية” واللي هو بالأساس من ممتلكاتها ..

 

يعني البلد اللي فيها ناطحات سحاب كثيرة ،، لو ما فيها حدائق لمتعة النفس البشرية ،، بتكون هاي البلد فيها حالة انتعاش سطحية ومؤقتة ورح تنتهي آجلا أم عاجلا .. زي دبي مثلا ..

 

لأنه ما تبقى من “النفس البشرية” اللي عايشة فيها بتتلاشى شوي شوي ،، وبصير مكانها “آلات بشرية” ..

والفرق كبير ..

 

لأنه النفس البشرية انخلقت وفيها مجال العاطفة ،، موازي للجانب العقلاني .. دايما ..

 

بس الآلة انخلقت عشان ما تغلط ،، وعشان يكون القرار عقلاني تماما وبدون أي آثار عاطفية غير مرغوب فيها ..

 

يعني بالضبط زي الفرق بين وقفتك قدام أبوك وأمك وانت بتطلب ١٠ قروش ،، ووقفتك قدام ال ATM بالمول ..

 

أيوا بالضبط ،، هو هيك ..

 

#جمعة_لزيزة

 

أمجد حجازين

اظهر المزيد

مقالات ذات صلة