مؤلف “فخر الدلتا” يعلن استعداده للمثول أمام القضاء لإثبات براءته من التحرش

حرير- خرج محمد طاهر، مؤلّف مسلسل “فخر الدلتا” المتهم بالتحرش عن صمته للمرة الأولى، وذلك للدفاع عن نفسه بعد حذف اسمه من تتر العمل، معلناً استعداده للمثول أمام القضاء لإثبات براءته من التُّهم الموجّهة إليه.

وكتب طاهر عبر صفحته الخاصة في موقع التواصل الاجتماعي “فيسبوك” منشوراً قال فيه: “الموضوع في نظري ملوش غير مسارين اتنين، نيابة عامة، وهذا يعني تحقيق قضائي رسمي، ثم إجراء قانوني ملزم، والثاني مؤسّسة حقوقية تشكّل لجنة تحقيق، وتستقبل الشهادات من أصحابها مباشرة، بدون وساطة، ولا تجهيل، وتسمع أقوالهم، وتواجهني بده، ثم تصدر قرار”.

وأضاف: “أنا على أتمّ الاستعداد للاتنين، وبشجّع بشدة، وممتثل للاتنين. أي حد عنده شكوى ضدي، يتفضّل ياخد إجراء رسمي… أليس هذا واضح كفاية؟ أليس هذا عادل كفاية؟”.

وتابع: “اتقال لي إن البنات خايفين يتكلّموا. طيب هل ده منطق؟ تطلع شهادات تنتهك سمعتك، ثم الناس تصدّق، وتشيّر، وتشهّر، وتشتم، وتخوض، بدون أي تحقق أو تثبّت، أو دليل أو محاسبة؟، ونفترض – إزاء هذا السعار المجتمعي المحموم، ولو بنسبة احتمال 1 في الألف – إني بريء، حد يقول لي: أثبت ده إزاي؟ وبعد ما أثبته، أرمّم اللي حصل ده إزاي؟”.

محمد طاهر: أطالب الجميع بأن يضعوا أنفسهم في موقفي

وأوضح طاهر: “حقيقي والله، أنا عايز كل حد يشوف البوست ده، يتمهّل لحظة، ويسأل نفسه: ماذا لو إنت في نفس الموقف، ناس اتّهموك وأدانوك وحكموا عليك وصلبوك، بدون أدنى جهد في التحقق… تحس إيه؟”.

واختتم محمد طاهر منشوره قائلاً: “عموماً، أنا قابل وراضي، حمولتي شايلها بصبر ونبل، وعارف إن اللي بيحصل ده بيطرطش علينا كلنا، ناس كتير بتتعرّى بشكل مخزي، بتناقض أبسط مبادئها المعلنة، ناس مراعتش أقل حقوق البشر في صون كرامتهم، بينهشوا، وقادرين يبرروا ده، ويشرعنوه ببجاحة. ومقتنع إنه وسط قذائف الخراء المنتشرة دي، أنا أقل الخاسرين، والله… ربنا يعدّينا منها على خير”.