نداء شرارة تثير الجدل بعد تصريحاتها الأخيرة
حرير- أثارت الفنانة الأردنية نداء شرارة حالة واسعة من الجدل بعد ردها على تدوينة موجودة عبر حسابها على موقع التواصل الاجتماعي (فيس بوك) جاء بها ” سعر تذكرة حضور حفل نداء يبلغ 15 دينار فقط، وسعر تذكرة حضور وائل كفوري إلى 450 دينار”، من المسؤول عن ذلك؟”
وجاء رد نداء شرارة كالتالي:” أنا المسؤول، وأنا اللي بطلب تكون أسعار التيكتات بحفلاتي معقوله، عشان كل الناس تقدر تحضر، ولو علي بخلّي كل الناس تحضر ببلاش. أنا بنت الأردنيين وهم دعموني، كل إنسان عندو هدف، وانا هدفي ليس المال، هدفي أفرحهم”. وفق(ET بالعربي).
وأضافت نداء شرارة “غالبا بتكون من تنظيمي، لأني ما بقدر أغني بأي مكان ف بعمل حفلات بمسارح مرتبة، وبرفض أرفع سعر التيكت، عشان الناس كلها تقدر تيجي، وبربِح تيكتات ل اللي مش قادرين يدفعوا، وجمهوري بعرف هاد الشي”.
واختتمت نداء شرارة : “زمان قبل ما أكون بالفن، كنت بحب أروح أحضر فنانين، بس ما كنت بقدر أشتري تيكتات، اليوم بعرف الشعور، لذلك بحب كل الناس تيجي وبستمتع بالحفلات اللي جمهورها جاي يحضر ببلاش، وبحس وقتها قديش عندي شعبيه، مش مجرد حدا مشهور وخلص”.
آخر أعمال نداء شرارة
تعتبر أغنية ست البنات آخر أعمال الفنانة الأردنية نداء شرارة و استطاعت أن تحقق نجاحا كبيرا من خلالها، وحصدت حوالي مليون مشاهدة.
