قرار رئاسة الوزراء بمنع التجمعات أم مادية صالات الأفراح

حرير – خاص

وجه أحد الشباب رسالة عامة  من المفترض إن يكون حفل زفافه الاسبوع المقبل فنظرا القرار الحكومة بمنع التجمعات بما فيها بيوت الافراح قرر إلغاء الحفل وعند مراجعتهم لإدارة الصالة كان الجواب ” ما وصلنا كتاب رسمي ، و الأمور طبيعية و المنع ما بشملنا ، بشمل التجمعات اللي عددها أكثر من ١٠٠٠ شخص ! و حتى لو اجانا كتاب رسمي مافي فلوس رح ترجع نهائياً ! “..

وتاليا القصة بتفاصيلها كما وصلت لحرير :-

كما يعلم الأصدقاء عرسي كان مقرر يكون يوم السبت القادم ، وبعد قرار رئاسة الوزراء بمنع التجمعات بما فيها بيوت الافراح و العزاء قررنا ننصاع للقرار لضرورة دورنا ك أفراد في المجتمع خاصة في هذا الوقت الحساس ، توجهنا لصالة الأفراح لكن للأسف كانت الصدمة بردهم كالتالي : ” ما وصلنا كتاب رسمي ، و الأمور طبيعية و المنع ما بشملنا ، بشمل التجمعات اللي عددها أكثر من ١٠٠٠ شخص ! و حتى لو اجانا كتاب رسمي مافي فلوس رح ترجع نهائياً ! ”

خبرناهم عن انه المساجد و هيه فيها ٥٠ شخص تم إغلاقها ! ما بالكم بالأعراس ! هل بتتحملوا مسؤولية اي اصابة بتصير في القاعة ؟ ، الموضوع أخلاقي و صحي قبل ما يكون مادي ، كان ردهم بأنه ” لا طبعا ما بنتحمل مسؤولية حدا ، و اذا بدنا نرجع فلوسكم بنسكر و بنقعد في بيوتنا أحسنلنا ”

الجشع اللي رح يصير هاي الفترة مارح يقتصر على قاعات الأفراح و رح يوصل لكل بيت اذا ما قدرنا نوقفه من أولها ! و هذا الشيء محتاج وقفة قوية منا كلنا بدون استثناء..

لماذا لا يتم تعويض هذا الشاب ؟؟ لماذا لا تخاطب حكومة الرزاز الصالة ؟؟ سنترك التساؤل مفتوح حتى نجد إجابة..