ما الفرق بين انواع Fucidine ؟؟

مرهم Fucidin اللي فيه خط أحمر

مادته Fucidic acid..كريم مضاد حيوي موضعي للالتهابات البكتيريه.

يستخدم لحبوب الوجه والجسم الغير مصحوبه بحكه.

يستخدم لعلاج حب الشباب لانه بيقضي عالبكتيريا المسببه .

يعالج الدمامل اللي بتظهر عالبشره أو اَي منطقه ف الجسم زي الرأس مثلا .

علاج للجروح ومع كريمات الحروق لتجنب حدوث التهاب وعدوي بالحرق.

يستخدم بعد إزاله الشعر من المناطق الحساسه ليمنع ظهور الحبوب فيها ويحافظ عليها من البكتيريا والالتهابات اللي ممكن تحصل بعد إزاله الشعر.

بعد الولاده بيتم وضعه علي منطقه الجرح والخياطه عشان نمنع تكوين اَي بكتيريا.

علاج الحبوب اللي ممكن تظهر بعد تقشير البشره .

 

مرهم Fucidin اللي فيه خط برتقالي

مضاد حيوي تركيبته Fucidic acid

يعني تركيبته نفس تركيبه الكريم بالظبط وبالتالي نفس الاستخدامات ولكن موجود في صوره مرهم.

كل الفرق بس ان الكريم بيستخدم ف الحالات اللي بتتطلب امتصاص سريع الماده الفعاله

إنما المرهم بيكون لزج بيستخدم ف الحالات اللي بتتطلب إمتصاص بطيء للماده الفعاله

وفِي كمان فرق مهم ان الكريم ينفع مع حب الشباب

إنما المرهم لا يصلح لان حب الشباب بتكون البشره دهنيه والمرهم تقيل فمينفعش تماما مع حب الشباب إنما الكريم مناسب لأن تركيبته خفيفه وسهل الأنتشار وبيمتص بسهوله عن طريق الجلد وميسببش لمعان عالبشره ولكن المرهم مناسب مع البشره الجافه.

كريم Fucidin ابو خطين احمر واسود

اسمه Fucidin H Cream …وتركيبته fucidic acid مضاد حيوي مع hydrocortisone كورتيزون خفيف.

يستخدم للحكه الجلدية والأكزيما اللي لونها بين البنفسجي والاسود .

علاج التسلخات_ الصدفيه_ الذئبه الحمرا.

كثرة استخدامه خطأ لانه ممكن يسبب ظهور شعر خفيف ف بعض المناطق وظهور خطوط بيضا بالجلد .

كريم Fucidin اللي فيه خطين احمر واصفر

 

اسمه Fucicort cream…وتركيبته Fucidic acid مضاد حيوي مع Betamethasone كورتيزون قوي.

يستخدم للإكزيما الملتهبة والالتهابات المزمنة والقويه المصحوبة بتحسس وتهيج.

يستخدم احيانا بعد جلسات الليزر.

يستخدم ف علاج الالتهابات الجلديه القشريه ف شعر الرأس والوجه .

يستخدم بعد لدغ الحشرات _وبعد حروق الشمس .

خطأ  اننا نستخدمه لعلاج حب الشباب لان الكورتيزون الموجود فيه ممكن يزود حب الشباب.

وخطأ اننا نستخدمه علي الوجه والمناطق الحساسه وجلد الأطفال بسبب الكورتيزون القوي .

اظهر المزيد

مقالات ذات صلة