رسالة من شقيق المصاب بالهجوم الإرهابي وسيم الساطي

رسالة من #نديم_ساطي_الدراغمة شقيق المصاب في #حادث_نيوزلندا_وزارة_الخارجية_الاردنية_حرير

حرير_طمئن الدكتور نديم ساطي الدراغمة الشقيق الأصغر للمواطن الأردني وسيم ساطي المصاب وابنته “ألن” بالهجوم الارهابي على المسجد في نيوزلندا، الجميع على استقرار حالة شقيقه الصحية، وبددء استقرار حالة ابنته.

وتابع الدراغمة رسالته بالقول ” لكل اللي عم يدعو و يسألوا عن اخوي وسيم وبنته الله يجزيكم كل خير ويارب مايصيبكم اي مكروه

الحمدلله انا وصلت اليوم على اوكلاند بعد رحلة طويلة … كانوا قد نقلوا (الن) بنت وسيم من قبل على اوكلاند لانها كانت بحاجة لاخصائيين … وامبارح نقلو وسيم على اوكلاند عشان يظل جنب بنته لانه كتير بسأل عنها كل ما يصحى من البنج …

وضع ” الن” الحمدلله تجاوز مرحلة الخطر ضغطها صار مستقر بس عدد العمليات كبير لهلا فوتوها كمان عملية والدكتاترة بحكو بعد العملية حسب كيف بتمشي بدهم يخففو التخدير عشان تحاول تصحى لانهم مش عارفين شو الاضرار ع الدماغ لانو وقف قلبها قبل …

وضع وسيم الحمدلله عم بتحسن..

يارب يقومهم بالسلامة …

اللهم رب الناس، أذهب الباس، واشفه وأنت الشافي؛ لا شفاء إلا شفاؤك، شفاء لا يغادر سقماً..

بالله لا تنسوهم من الدعاء ..

أسرة حرير تدعو الله العلي القدير ان يتقبل الشهداء و يشفي مصابي الحادث الارهابي الجبان.