الوزير السابق مروان جمعة” لـ ” ديما علم الدين” لا بتقري ولا بدك تفهمي
خاص حرير-رائد الحراسيس
كتب وزير الاتصالات الاسبق مروان جمعة بصفحته الخاصة على الفيسبوك ردا قاسيا على تعليق للناشطة ديما علم الدين، بأن جمعة لم يقدم شيئا خلال فترة توليه لوزارته، واصفا اياها بأنها لا تقرأ ولا تريد أن تفهم على حد تعبيره.
وأضاف جمعة خلال سجال دار بينهما اثر منشور للوزير السابق بعنوان، “من شو مستغربين بالزبط؟!؟”، أن انجازات كانت على ارض الواقع وليست حبرا على ورق.
بدورها تساءلت” علم الدين” عن السبب الحقيقي وراء دخول “جمعة” للتشكيل الوزاري ولماذا أُخرج، موضحة أن اغلب الشركات التي يتغنى أنها جاءت للأردن بجهده هي بتوجيهات وجهد شخصي ملكي.
السجال الفيسبوكي لم يتوقف عند ذلك او عند شخوصه بل امتد للمتابعين لصفحة الوزير الفيسبوكية.
تاليا منشور المهندس مروان جمعة وصورا مرفقا لجزء من السجال
مستغربين من شغل الشلفقة اللي صارت ثقافتنا؟ مستغربين انه واحد كان بده يروح على زرقاء ماعين وأخذ الموافقة ليروح على الأزرق؟!
مستغربين انه لما أخذ التصريح ما انتبه والأرجح ولا افرقت معه انه الكتاب للأزرق وهو رايح لمعاين؟
مستغربين انه اللي أعطى التصريح بيعطي مئات التصاريح باليوم وانه شلفق وما انتبه انه أعطى موافقة غير عن الطلب؟!
مستغربين انه اجراءآت الحكومة بدها اعادة نظر وانه الاغلبية ما بعرفوا شو مطلوب منهم وولا عندهم وصف وظيفي واضح وولا عارفين شو الهم ولا عليهم؟!
مستغربين انه ما نقرأ ورق وانه المسؤولين من القطاع العام والخاص مش عارفين في موجة قوية وتغير جذري بالطقس بوم الخميس؟!
مستغربين انه الترهل الإداري اكل الحكومة وانه اللي بطالبوا بالمحاسبة هم نفسهم ضد تعديل قانون الخدمة المدنية ليسمح بطرد المقصرين؟!
مستغربين اذا مسؤول تجرأ وطرد موظف ثاني يوم برفع عليه دعوى ويرجع على نفس وظيفته غصب عن مديره؟!
مستغربين انه سنوات من التدخل والواسطة افرز جيل من الموظفين الغير مؤهلين اللي مو قادرين وولا بدهم يعملوا شي؟!
مستغربين انه نص شركاتنا ومؤسساتنا دكاكين واسؤ من الحكومة وانه فيها ناس بتشتغل لا هم مرخصين ولا مؤهلين؟!
مستغربين انه ما رح يصير في محاسبة وانه بالآخر راح الموضوع بين لجان الحكومة والنواب؟!
من شو مستغربين بالزبط؟!؟
