توفيق عبد الحميد يستغيث بسبب أزمة جديدة في منزله

حرير- تفاعل الجمهور بشكل واسع مع مناشدة النجم توفيق عبد الحميد للجهات المختصة بعد إجراء غريب حدث معه بسبب عداد مياه شقته في الأسكندرية، واتهامه بسرقة المياه.

وعبر النجم المصري من خلال منشور على فيسبوك عن استيائه وكتب “السيد رئيس مرفق مياة المنتزه بعد التحية، حدث هذا في شقتي بمحافظة الاسكندرية، دفعت فواتير المياه لفترة طويلة رغم أنها كانت باهظة وغير منطقية وانا كمان مكنتش بروح الشقة، لكن دفعتها وبعد شوية شالوا عداد المياة وبعد شوية عملوا ليا مخالفة اني استخدم المياة بشكل غير قانوني وحرروا ليا مخالفة بـ20 الف جنيه”.

وأضاف: “كل ده والشقة مقفولة لسنوات طويلة، وممكن تتأكدوا من هذا الامر من استخدام عداد الكهرباء، لاني خاصمتها علشان كانت بتشوف البحر من كل حتة فيها وبعد كدة اختلف الأمر تماما، وبقت كمان مجروحة وانا كمان بقيت مريض فخاصمتها ومروحتهاش بقالي حوالي 15 سنة، ينفع كدة يا اسكندرية ويا رئيس مرفق مياة المنتزه انا عايز العداد بتاعي اللي شلتوه ويبقى في الشقة”.

وتابع أيضاً: “دلوقتي لو روحت شقتي في إسكندرية بعد ما شالوا عداد المياه أبقى بسرق مية، يعني في سن الـ79 أما أسرق هسرق مية طيب على رأي المثل إن سرقت اسرق جمل”.

وأوضح توفيق عبد الحميد فيما بعد أن رئيس مرافق المياه تواصل معه على وعد بحل الأزمة.

يذكر أن الفنان المصري توفيق عبد الحميد أعلن في سبتمبر 2023، اعتزاله مجال التمثيل، بسبب حالته الصحية.