معدل المومني 59.3% ويؤكد أن أغلب الوزراء سادة
خاص- حرير
شيرين الصغير وبراءة الحاج حسن
لم يتمكن وزير الإعلام الأردني الدكتور محمد المومني، من تجاوز مجموع علامات 59.3% في اختبار وُضع أمامه للإجابة على عدد من الأسئلة..
المومني، القريب من الصحفيين والذي بنى علاقة ودية زملائه الإعلاميين، أجاب بدلوماسيته المعهودة وتوازنه اللامتناهي على أسئلة الكوميدي رجائي قواس في برنامج فاهم الطابق، مساء امس الثلاثاء.
الحوار مع الوزير امتد لنصف ساعة أكد فيها المومني قناعاته وركز على ثقافة التكافل الاجتماعي و النخوة في المجتمع الأردني، حيث لم يخلو من الفكاهة حينما أكد أن الاردني ما بترك حقه بل يستد من خصمه حتى لو بالمسامحة، وأن اغلب الوزراء سادة، تعبيرا عن درجة قهوتهم التي يشربونها.
تاليا بعض الاسئلة والاجابات عيليها :
كيف الواحد بصير وزير ؟
– لا يوجد صفة معينة ما في عدد من الخطوات تقول أعمل ١ ٢ ٣ ، بل هي مجموعة من العوامل ترتبط بنشاطك السياسي،بحضورك، بالمشهد العام إلها علاقة بخلفيتك التعليمية جزء منها..
السؤال الأول: عندما يسمع الأردني جملة الولد طالع لأخواله، عن أبنائه، بكبر عقله وبمشيها، هي من تقاليدنا ثلثين الولد لخاله يعني يشار لها بجانب إيجابي أخوال شخص ما أخذ منهم الصفات الطيبة والجيدة..المنتشرة بمجتمعنا الأردني، هي محضر خير مش محضر شر .
البنت لما تخطب بتحشر اسم خطيبها بحوارها في مرحلة الخطبة ١٥٠%.
السؤال الثالث: لما الأردني يكون معاه شوية مصاري بفضل الهجرة ام إستثمار؟
– المومني: بعتقد مش هاي الخيارات بعتقد إما يسافر (وتعتمد قديش معه مصاري )..غالبية الأردنيين بحبوا يعمّروا ويشتروا شقة او بيت او سيارة او يعلموا اولادهم ، مضيفا ” لإنه عادة اللي بده يهاجر بمعنى الهجرة فبده يهاجر عشان وضعه صعب عشان يجيب مصاري؛ اللي معه مصاري بفترض يسافر يشم هوا.
أضاف ” في حب للشيء الغريب بده يروح ع بلد كذا .. بس أنا بظن إنه اللي معه فلوس بقدر يستثمر بالقانون بوخذ جنسية.. (إذا هذا قصدك)..وإذا قصدك عالأردني اللي حابب جنسية ثانية ؛ أنا بظن نعم كثير من الشباب الأردني بحب إنه يكون شغله أحسن، دخله أعلى، يكون بوظيفة أحسن، نعم هذا موجود بس كمان الأردن بشكل عام فيها كثير عوامل جذب لسكانها ولمجتمعها ، الاستقرار والأمن إشي مهم كثير و الروابط الاجتماعية مهمة بعرف كثير ناس عشرات حتى لما كنت مسافر وقت الدراسة بفضلوا يرجعوا عشان العائلة، والروابط الاجتماعية .
– درست في تكساس الولايات المتحدة… وقبل ذلك بكالوريوس وماجستير في الجامعة الأردنية .. ودرست في تكساس على حساب جامعة اليرموك كنت مبتعث و رجعت الى جامعة اليرموك.
السؤال الرابع :الأردني لما يدفع أي دفعة هل يحمّل العيلة جميلة ولا بعتبره واجب؟
– أنا بميل إنه كمان الإجابة مقسومة بين اثنين يعني في تحميل جميلة و في واجب .. يعني نصف هون ونصف هون ..
– واحيانا بتصحى بتلاقي ابنك بدوش يروح ع المدرسة بتقله لأ لو سمحت تفضل روح ع المدرسة لإني دافع رسوم لهاي المدرسة .مش من قبيل تحميل جميلة بتدفع عليه للمدرسة ، من قبيل إنه لازم تروح ع المدرسة لإنها كويسة إلك ولمستقبلك .فهذا التعبير يُفهم إنه تحميل جميلة بس هو في الحقيقة ليست كذلك ،واجب يدفع لعائلته وأولاده ..
وأضاف المومني أن من القيم العظيمة في المجتمع هي أن أي واحد من الأقارب بدق عليك بابك بقلك اعطيني ، بحس إنه إلك عليه ضربة لازم تعطيه ، يمكن مامعك تعطي ، هذا الشعور المجتمعي جيد (شبكة امان إجتماعي جيدة في المجتمع) .
السؤال الخامس :لما صديق ع الفيسبوك ينزل نعي فممكن يعمله لايك ولا لا ما بعملها ؟؟ المومني: بتعرف هلأ الموضة لما يصير حالة وفاة الناس ع الغالب اول إشي بتكتب ع الفيسبوك . انا شفتها، كتير ناس بتعمل لايك وناس بتكتب كومنت .. اللي بعمل لايك بعتقد مش عارف شو معنى لايك لخبر زي هيك، بظن معظم الناس بتعمل شير ، ممكن يشاركوا الخبر مع ناس تانيين بحطوا نعي الله يرحمه او يرحمها ..بس لايك مش مناسبة اللي بعملها بعتقد عن جهل للسوشيال ميديا ، الذي تحب والذي أعجبك وحتى لو أعجبك ما بتحط لايك .يعني انا مع اللي مابعملها.
-وأكد أن المواطن يحتاج الى توعية ، واضاف مهم جدا هذا الموضوع ، الناس لا تعي ما تفعل أو تكتب و خاصة بالسوشيال ميديا، فالشخص يعتقد إنه حريته أن يكتب على الفيسبوك تبعه ما يريد حتى لو أمر أمني خطير..
وأضاف وزير الإعلام أن التوعية شيء مهم لأي شيء أنت بتسويه ، وأنا بذكر عشرات الحالات لأشخاص عملوا لايك لمقالات سيئة او لمعلومات سيئة منشورة على السوشيال ميديا دون أن يدركوا خطورة هذا الأمر وخطورة حجم التأييد لهذه المعلومات الخطيرة .
السؤال السادس : الأردني بشرب القهوة سادة ولا وسط؟
– أنا بعتقد الغالبية سادة ، ومعظم اللي أنا بعرفهم سادة ..
– رجائي متسائلا : إذن منقدر نحكي إنه معظم الوزراء بشربوها سادة ..
– الغالبية العظمى نعم سادة ..واضاف القهوة اذا بتكثرها بتعمل حرقة وإحنا أحيانا منشرب كثير قهوة ،، المومني ممازحا : بحكوا بعض الناس إذا بتفحص دمه بتلاقي قهوة مغلية .. الواحد بده ينتبه لإنه كل شي بزيد عن حده بصير مشكله (بعض من القهوة جيد)
السؤال السابع الأردني شو بحب أكثر شاورما دجاج ولا شاورما لحمة؟
مش عارف بشوف ناس باكلوا شاورما دجاج بس الغالبية شاورما لحمة إحنا عموما منحب اللحوم الحمراء وليست البيضاء ((هلأ بزعلوا علينا النباتيين))
– اجمل شيء احترام لاختيارات الشخص .. أجمل شيء في المجتمع اللي بده يكون نباتي فليكن وااللي بده يكون غير نباتي فليكن .. حتى بحكوا في مطعم متخصص للنباتيين حاليا في الأردن..
أنا عندي مشكله بحطوا معه مايونيز بصير حقيقة حتى تأثيره على الوزن كثير ..
– وقال إن أبناءه أجبروه مرة او مرتين للذهاب معهم للسينما، لكن عموما مشاهدة الفلام بالبيت افضل لضيق الوقت، حقيقة لما تروح هناك بتوخد وقت كثير تروح وتدخل . انا بالبيت اذا صار وقت أصلا ..وأضاف اريح لما بتحضر بالببت بغرفة القعدة او بغرفة النوم . اريح بتتمدد .. واكتشفت انه في ميزة برجع ، بوقف اذا رن التلفون بتوقف الفيلم ، بالسينما مافي.
السؤال التاسع : الأردني بحضر مسلسل تركي أو سوري ؟
– نفس اللهحة صار ، بعتقد سوري ، التركي كان فترة وبعملوا دوبلاج بالسوري.
ورداً على سؤال أن الأردني اذا حد زعله، بستدها ولا بيسامح؟ ..
قال المومني بصراحة مجرد المسامحة هي نوع من انواع السداد لما بيجي الشخص اللي زعله ويسامحه هي سداد بس عموما بستدها الأردني ما بضيعله حق.
إذا واحد زعل واحد بروح وبستسمح منه سواء على مستوى شخص أو أكثر، المسامحة هي إنه يحس حاله إنه استد يعني حصَّل الإشي اللي أذاه.
وفي نهاية البرنامج حصد الدكتور محمد المومني من فاهم الطابق 59.3% من علامات البرنامج.
