هبة السيسي تكشف أسباب عدم ارتدائها باروكة وتعرُّضها للسحر

حرير- حلّت الفنانة هبة السيسي، ضيفة على برنامج “ورا الشمس” الذي تقدمه الإعلامية ياسمين الخطيب، على قناة الشمس، حيث كشفت عن سبب ظهورها للجمهور حليقة الرأس بعد إصابتها بأورام خبيثة، وعدم استعانتها بشعر مستعار “باروكة”، موضحة أنها قررت مواجهة الجمهور احتياجًا للدعم منهم.

وبكت هبة السيسي، خلال حديثها عن تفاصيل تساقط شعرها نتيجة خضوعها للعلاج الكيماوي، قائلة: “كنت بقول إن مش هيحصلي تغيّر في شكلي ولا شعري هيقع، بعد أسبوع من أول جلسة كيماوي لقيت شعري كله بيقع في البانيو، جالي انهيار عصبي ومكنتش عايزة أخرج من البيت، وقررت إني هحلق شعري خالص علشان متعبش نفسيًا أكتر من كده، وخطوة إني شيلت شعري دي كانت اللحظة الفارقة إني بصيت لنفسي في المراية وتقبلت الوضع وقلت إني هاواجه”.

هبة السيسي: كنت أفكر كيف سأواجه الناس من دون شعر

وأضافت هبة: “بقيت أفكر هظهر إزاي والناس هتشوفني من غير شعر، ومحبتش شكلي بالباروكة وقلت إني مش محتاجة أتجمل علشان الآخرين، وقررت إني هظهر للناس بشكلي زي ما هو، وده اللي خلاني تقبلت اللي أنا فيه”.

واستكملت: “العلاج أثر على شكلي فكان لازم أواجه الناس بأني مريضة، ناس قالت إني بظهر بالشكل ده علشان الناس تتعاطف معايا ولكن ده مش صح، أنا ده الوضع اللي أنا فيه، ومحتاجة الناس تطبطب عليَّ”.

وقالت هبة السيسي: “مكنتش مصدقة، أنا مستنية نتيجة الأشعة أو التحاليل يقول لأ، مكنتش مصدقة لآخر لحظة، ده المرض الوحيد اللي عمري ما تخيلت أنه يجيلي، آخر حاجة ممكن أتخيلها إني يبقى عندي ورم خبيث، ولغاية دلوقتي مش قادرة أتقبل الموضوع، عندي شجاعة ولكني زعلانة، وبيجيلي لحظة إني قوية وبكافح ولكني غصب عني أنا إنسانة وأكيد بزعل وبيعصب عليا نفسي وبقول أنا ليه بمر بالتجربة دي.

وأضافت هبة السيسي: “عملت عملية كبيرة وشيلت 3 أورام 2 في الثدي والغدة الليمفاوية كلها كانت مصابة، والمفروض إني مكنتش هاخد كيماوي، فلما أخدوا العينة بتاعة الغدة الليمفاوية ولقوها مصابة ده معنا أن المرض هيهاجمني تاني في أقرب فرصة.

هبة السيسي تكشف تجربة ارتباطها بشخص صنع لها سحراً

كشفت الفنانة هبة السيسي، عن تجربة صعبة مرت بها خلال فترة ارتباطها بأحد الأشخاص، حيث قالت إنها كانت ترى خيالات باستمرار، فيما لم يكن هناك أي شيء يحدث عند وجوده إلى جانبها.

وأوضحت هبة السيسي في تصريحات تليفزيونية، أن هذا الشخص كان قريبًا جدًا منها، وكانت تربطهما علاقة قوية، لكنها اكتشفت لاحقًا وجود أوراق وكتابات خلف سريرها ودولابها تشير إلى قيامه بالسحر.