إنجي عبد الله تعلق على تدهور حالتها الصحية

حرير- كشفت الفنانة إنجي عبد الله، ملكة جمال مصر السابقة، عن آخر تطورات حالتها الصحية، بعد الإعلان عن إصابتها بورم حميد في جذع المخ، مؤكدة أن حالتها لا تزال في تدهور مستمر، مطالبة جمهورها بالدعاء لها بالشفاء العاجل.

وأوضحت إنجي في تصريحات صحافية، أن رحلة علاجها ما زالت شاقة، مشيرة الى أن الأطباء أكدوا أن أي تحسن محتمل لن يظهر قبل انتهاء فترة العلاج الحالية.

إنجي عبدالله: فقدت الإحساس والمستشفى طلب إقراراً

كانت إنجي عبد الله، قد كشفت عبر صفحتها الرسمية على “فيسبوك”، عن تفاصيل إصابتها للمرة الثانية بورم في المخ، وذلك بعد تسع سنوات من إعلانها الأول عن المرض، حيث كانت المرة الأولى لها عام 2016 وأعلنت تعافيها منها عام 2019.

وكتبت إنجي منشورا تحدثت فيه عن معاناتها مع ورم حميد في جذع المخ، مؤكدة أن الورم في مكان بالغ الخطورة ويؤثر على حياتها اليومية بشكل كبير.

قالت إنجي: “عدى 6 شهور بحاول أتعالج للمرة الثانية من ورم في جذع المخ، وهو مش سرطان، هو ورم حميد، لكن موجود في أخطر مكان في المخ، للأسف كل الدكاترة في مصر وبره مصر، أساتذة في مجال الأورام والمخ والأعصاب، رفضوا يعالجوني لأني أخدت كل جلسات الإشعاع والكيماوي المسموح ليا، وللمكان الصعب ده سنة 2019، وكنت فاكرة خلاص أنا تمام، لكن للأسف رجعتلى أعراض أسوأ بكتييير من زمان”.

تابعت: “أنا فقدت الإحساس بالجنب اليمين، وصعوبة في البلع وكهربا في جسمي كله لما بعمل أي حركة بسيطة حتى لما بحرك عيني، وفي حاجات تانية كتير، حتى أنا رجعت للمستشفى اللي اتعالجت فيه قبل كده، بنصيحة من دكتور تامر النحاس، اللي هو شخصيًا رفض يعالجني، والمستشفى طلبت منى أمضى إقرار، إني مسئولة تمامًا عن كل اللي ممكن يحصلى لو اتعالجت، طبعًا مشيت من الخوف”.

إنجي عبد الله: أنا في انتظار معجزة

أضافت: “دلوقت أنا مع الدكتور الوحيد اللي وافق إنه يجرب علاجات خفيفة تلطيفية لمحاولة تحسين جودة الحياة مع انتظار معجزة أنا مش بحاول أتعالج علشان متمسكة بالحياة أنا بس تعبانة جدًا بقالي كتير وبدعى ربنا بحاجة واحدة بس، (اللهم لا نسألك رد القضاء ولكن نسألك اللطف فيه)”.

واختتمت إنجي منشورها بقولها: “الشخص اللي واقف جنبي وبيساعدني إن أعمل أبسط الحاجات اليوميه اللي خلاص بقت مستحيلة إني أعملها لوحدي هي أختي اللي عندها ورم في الرئة والمخ مرحلة رابعة وكنت فاكرة إن أنا اللي هخلي بالي منها أنا حالتي بتتأخر كل شوية والمرة دي شفت حاجات صعب إني حتى أوصفها.. أنا راضية بقضاء ربنا الصعب أوي أوي ليا ولأختي لكن الحياة بجد صعبة جدًا ومفاجئتها أصعب.. ادعولي”.